Дээди Хуралдың эрткен Чөвүлел хуралының кол айтырыглары – 2024 чылдың бирги чартык чылында тыва парламентиниң хоойлу чогаадыр ажылының база кылып чорудар ажылдарының чижек планнарының төлевилелдери болган.
Хоойлу чогаадыр ажылдың планының төлевилелин сайгарып көргеш, Чөвүлел үндезин кылдыр хүлээп алган. Комитеттерниң саналы-биле кылып чорудар ажылдарның чижек планының төлевилелин ам-даа немээр деп шиитпирлээн.
Хуралдың эгезинде ТР-ниң Дээди Хуралының Даргазы Кан-оол Даваа Москваже сургакчылаашкынының дугайында илеткээн. «Чаңгыс демниг Россияның» Тывада салбырының отчёдун партияның даргазының оралакчыларынга кылган. Кан-оол Даваа – партияның Тывада салбырының секретарының оралакчызы.
Дээди Хуралдың Даргазы ТР-ниң Иелериниң чаңчыл болган шуулганын часкы сессия үезинде эрттирерин дааскан. Афганистандан совет шериглерни үндүргенинден бээр 35 чыл оюнга тураскааткан хемчеглерге депутаттар киржирин немей саналдаан. Тускай шериг операцияга хамааржыр айтырыгларлыг хамаатыларны хүлээп алыр тускай график бо хүннерде тургустунарын база дыңнаткан.
Январь 19-та регионалдыг парламентиниң бирги ээлчеглиг сессия хуралы болуп эртер деп Чөвүлелге шиитпирлээн. Аңаа ТР-ниң Баштыңының Дээди Хуралга Айыткалын дыңнаар.
Сегодня в России отмечают День матери
Ежегодно в России в последнее воскресенье ноября отмечают День матери.