ТР-ниң Дээди Хуралының Даргазы Кан-оол Даваа бо чылдың Наадымының улуг хүрежинге шүглүп үнгеш, Тываның Чаан мөгези болган Айдын Монгуштуң найырынга барып, мөгениң ɵɵрүшкүзүн үлежип, хүндүлүг атты тывысканынга тураскааткан спортчу хемчегге байырын чедирген.
– Баг адар адыгжыларның мɵɵрейи, элээди болгаш улуг мɵгелерниң аразында хүреш маргылдаалары бедик деңнелде эрткенин демдеглевес арга чок.
Улуг мөгелерниң ачыр-дачыр хүрежиниң түңнелинде Чаан мөге Сайын-Белек Тюлюш шүглүп үнген. Үжүүрде Арзылаң мөге Монге-Эртине Куулар. Үшкү-дөрткү черлерни Хартыга мөге Начын-Мерген Ооржак болгаш Начын мөге Артур Шагжы алганнар.
Чаан мɵгевис Айдын Монгушка каң дег кадыкшылды, менди-чаагай чорукту, хей-аъды, сүлде-сүзүү кезээде бедик чоруурун,Тываны болгаш Россияны алдаржыдып, делегейниң улуг спортчу ареналарының ширээлеринче моон-даа соңгаар хөй катап үнериңни күзедим – деп, ол соцчеткилерде бижээн.
Хүреш маргылдаазының хүндүлүг аалчылары – Россияның Маадырлары Мерген Донгак биле Чалым Чүлдүм-оол.
Шүүлген мөгеге 100 муң рубльди, үжүүрлешкен мөгеге 50 муң рубльди, үшкү-дөрткү шаңналдыг черлерже кирген мөгелерге 20 муң рубль, бештен сесче кирген мөгелерге 10 муң рубльди тывыскан.
#Хүреш #ТМГМедээлер #Тыва #Тывамедээ #Тывадыл #Тывамедиагрупп #Тува
