ТР-ниң Экономиктиг хөгжүлде болгаш үлетпүр яамызының дыңнатканы болза, амгы үеде «Лунсин» даг-тывыш бүдүрүлгези ажылдап турар.
«Российжи саң-хөө компанияларының кыдат банкылар-биле ажылынга санкцияларны улам калбартып база улаштыр ажылдатпас» дээн саң-хөө бергедээшкиннери тургустунганы-биле ажылды түр када тургузар дээн баштайгы шиитпирни кол компания-биле чугаа соонда эде көөр. «Лунсин» кызыгаарлаан харыысалгалыг ниитилелдиң чиңгине директору Ли Кайвень Кыдатче ужупкан.
Экономиктиг хөгжүлде сайыды Аяс Баянның чугаазындан алырга, бүдүрүлгеде ниитизи-биле 1200 хире кижи, оларның аразында тус черниң 800 хире тускай мергежилдиглери ажылдап турар. Оон аңгыда күш-ажылчы хамаарылгаларда дең эвес байдал бар.
Тываның Чазаа байдалды дүүштүрер дээш, Тыва Республиканың Прокуратуразы-биле кады тускай ажылчын бөлүктү тургускан. Амгы үеде бүдүрүлгениң ажылы-биле холбаалыг болуушкуннар демдеглеттинмээн, республиканың Чазаа база чогуур хайгаарал органнары байдалды хыналдада тудуп турар.
