Тывага эрткен «Бүгү чүүлдү тиилелге дээш!» телемарафоннуң түңнелдерин үндүрген: дөрт шак дургузунда сая ажыг рубль.
Россия хүнүнде «Тува 24» телеканалга, «Бүгү чүүлдү тиилелге дээш!» телемарафон үезинде, Тываның чурттакчылары сая ажыг акшаны чыыпкан. Дорт дамчыдылгага эрткен акцияга республиканың 16 муң ажыг чурттакчылары каттышкан.
Дөрт хире шак дургузунда үргүлчүлээн телемарафон «Бүгү чүүлдү тиилелге дээш!» фондунуң агар санынче акша-хөреңгини чыгганын сагындыраал. Тускай шериг операциязында киржип турар Тыва Республикадан дайынчыларны деткип, ынаар шупту акшаны чорудар. Бистиң дайынчыларывыстың чагыы езугаар аар өртектиг техниктиг херекселдерни ол акшалар-биле садар деп, Ниити-российжи улусчу фронтунуң Тывада салбыры дыңнаткан.
Донбасстың тайбың чурттакчыларын база Ада-чурт камгалакчыларын деткип, кижи бүрүзүнге бодунуң үлүүн киириштирер арга-шинекти бээр дээш, Ниити-российжи улусчу фронтунуң pobeda.onf.ru сайтызын база «Бүгү чүүлдү тиилелге дээш!» төлевилелди чыл бурунгаар тургускан.
Тускай кампаниялар манап турбайн, кайы-даа үеде бодунуң боттуг дузазын көргүзүп болур. Бодунуң регионунга дээш чыылдага каттыжарда pobeda.onf.ru сайтыга коштунуп алыры амыр: медээ баннерде айыткан тускай QR-кодче телефоннуң камеразын углай туткаш, азы «sbor.17» төлевирни кылырын айтып, анаа акша шилчидери ышкаш чорудар.
Ниити-российжи улусчу фронтунуң Тывада салбырының күүсекчи комитеди ачы-дуза чыылдазын ам-даа уламчылап турар: Кызыл хоорай, Кочетов кудумчузу, бажың 30, каб. 26. Харылзажыр телефону – 8(39422) 2-10-50.
День психолога: важность профессии и необходимость поддержки сферы психологии
22 ноября в России отмечается День психолога — профессиональный праздник, который призван привлечь внимание к важности этой профессии и необходимости поддержки сферы психологии.