Республиканың хары угда ийи ортумак профессионал өөредилге чери «Профессионалитет» федералдыг төлевилелче кирген. Ак-Довурактың даг база Тываның тудуг техникумнары 100-100 сая рубльдиң федералдыг дузаламчызын алырлар. Ол акша-хөреңги-биле өөредилге чериниң материал-техниктиг баазазы чаартынар – амгы үениң дериг-херекселдери болгаш техниказы-биле четчелеттинип, программалар республиканың күш-ажыл рыногунда даг-тывыш инженерлеринге база тудуг кадрларынга чогуур хереглелди дуглаар.
Эрткен чылын Балгазында Тываның агроүлетпүр техникуму «Профессионалитет» федералдыг төлевилелдиң бирги күүседикчизи, а Кызылда, Чадаанада база Сарыг-Септе көдээ ажыл-агый техникумнары кады боттандырыкчылары болганын сагындыраал.
2027 чылга чедир санаан сан-чурагайлардан алырга, «Профессионалитет» төлевилел даг кластериниң даг тывыш, транспорт болгаш тудуг адырынга бир муң беш чүс хире ортумак чаданың тускай мергежилдиглерин белеткеп бээр.
Глава Тувы вручил чемпиону Европы Начыну Монгушу медаль «За заслуги перед РТ»
Сегодня чемпион Европы по спортивной борьбе Начын Монгуш вместе с тренером Алибеком Хомушку прибыли на родину после своего триумфального выступления на чемпионате Европы, который состоялся в Словакии…