Чаа-Хөл кожууннуң девискээринге лама-башкылар аразынга чеди дугаар Сүлде Наадымы болуп эрткенин чагырга чери дыңнаткан. Аңаа республиканың аңгы-аңгы булуңнарының хүрээлеринден 30 ажыг лама киришкен.
Ийи хүн үргүлчүлээн хемчегге чадаг чарыш, ча адары, шыдыраа, бут бөмбүү, хол бөмбүү оюннарынга болгаш хүрешке лама башкылар идекпейлиг киришкен.
Тываның IV Камбы-Ламазы Гелек Нацык-Доржу Башкы келир чылын Сүлде Наадымы найысылалга болуп эртерин дыңнаткан.
Спортчу байырлал амыдыралдың кадык овур-хевирин суртаалдаарынче кыйгырыглыг эрткен.
