“Маадырларның үези” федералдыг программадан «Тываның маадырлары» төлевилелдиң ылгалы – ортумак тускай эртемниг дайынчылар аңаа киржип болур. Төлевилелче шилиттингеннер Россияның улус ажыл-агыйы болгаш күрүне албаны академиязының “Күрүне эргелеп-башкарылгазының дээди школазы” институду-биле Тываның күрүне университединге профессионал эде белеткелдиң өөредилге программазынга өөренир.
«Тываның маадырлары» оргкомитет кежигүнү Андрей Шокарның дыңнатканы-биле алырга, төлевилел ажылдап эгелээнинден бээр 28 чагыг кирген. Амгы үеде шилилдениң ийи чадазы эртип турар: төлевилелдиң албан езузунуң сайтызынга бүрүткедири база чогаадыгны бижиири. Чагыгларны апрель 9-ка чедир хүлээр.
Бир эвес киржикчиниң техниктиг аргалары чок болза, тускай шериг операциязының киржикчилерин деткиир «Ада-чурттуң камгалакчылары» күрүне фондузунуң Тывада салбырынга тестилерни дужаап болур.
Оргкомитет даргазының оралакчызы Шолбан Хомушку программаның ажылдакчылары кордакчыларны бүрүткээринге база хууда кабинетти ажыдарынга дузалажырынга беленин дыңнаткан. Сайтыга бүрүткедир азы билдириишкин киирер дугайында айтырыгларлыг болза, 8 (93422) 9-73-45 дугаарлыг телефон-биле долгааш, тодаргайлап болур.
Программаны ажылдадыр болгаш боттандырар ажылчын бөлүктүң кежигүннери төлевилелге киржир дизе, rsv.ru/ деп айтыгга бүрүткедип алгаш, программаның дугайында шупту медээлерни project.rsv.ru/geroi_tuvy деп сайтче азы ГЕРОИТУВЫ.РФ деп сайтыда киирген. Ында бүрүткедириниң болгаш шилилге чадаларын эртериниң чурумун тодаргай тайылбырлаан.
«Тываның маадырлары» төлевилел – Владимир Путинниң эрткен чылын тускай операцияларның хоочуннарга болгаш амгы үеде дайынчыларынга чарлаан «Маадырларның үези» деп президентиниң кадрлар программазының регионалдыг хевири болур. Тываның Баштыңы Владислав Ховалыг регион программазын эгелээрин республиканың Дээди Хуралынга бодунуң Айыткалынга дыңнаткан.
