«Тываның маадырлары» деп чаа кадрлар төлевилелче бүрүткел уламчылап турар. Төлевилел ажылдап эгелээнинден бээр 500 ажыг чагыг кирген.
“Маадырларның үези” федералдыг программадан «Тываның маадырлары» төлевилелдиң ылгалы – ортумак тускай эртемниг дайынчылар аңаа киржип болур. Төлевилелче шилиттингеннер Россияның улус ажыл-агыйы болгаш күрүне албаны академиязының “Күрүне эргелеп-башкарылгазының дээди школазы” институду-биле Тываның күрүне университединге профессионал эде белеткелдиң өөредилге программазынга өөренир.
Төлевилелге киржир дизе, clck.ru/3JWRqf порталга чагыгны киирер. Тускай шериг операциязының киржикчилеринден болгаш хоочуннарындан чагыгларны апрель 9-ка чедир хүлээр.
«Тываның маадырлары» төлевилел – Владимир Путинниң эрткен чылын тускай операцияларның хоочуннарга болгаш амгы үеде дайынчыларынга чарлаан «Маадырларның үези» деп президентиниң кадрлар программазының регионалдыг хевири болур. Тываның Баштыңы Владислав Ховалыг тускай шериг операциязының киржикчилериниң болгаш хоочуннарының билиг-мергежилин эде белеткээринче угланган регион төлевилелин эгелээрин Дээди Хуралга бодунуң Айыткалынга дыңнатканын сагындыраал.
