Тываның Баштыңы Владислав Ховалыгның удуртулгазы-биле «Тываның маадырлары» регионалдыг программаның Хөй-ниити чөвүлелиниң хуралы болуп эрткен.
Иштики политика департаментизиниң удуртукчузу Шолбан Хомушку мөөрейниң ажылын болгаш ооң баш бурунгаар түңнелдерин Хөй-ниити чөвүлелиниң кежигүннеринге таныштырган.
Программаның төнчү чадазынче кирген 39 кордакчыны өөренип көрген, олардан 30 кижи бир чыл дургузунда тускай өөредилгени эртер, а тос кижи курлавырже кирерин Владислав Ховалыг Чөвүлел хуралда дыңнаткан.
Чөвүлелдиң кежигүннериниң мөөрейниң шилилгезин эрткен программа киржикчилериниң даңзызындан 30 кижини шилиир ужурлуг. Программаның киржир негелделер езугаар, Россияның улус ажыл-агый болгаш күрүне албаны академияның Президент академиязының Күрүне эргелеп-башкарылгазының дээди школазының сүмелээни езугаар, регион программазының киржикчилеринден төнчү даңзы июль 1-ге чедир тодараттынар.
«Бистиң программавыс, президентиниң программазы ышкаш, тускай шериг операциязының киржикчилерин болгаш хоочуннарын деткиир, оларның арга-шинээн ажыдып, оларны удуртулга системазынче киирип, ооң ачызында Тывада бүгү социал-экономиктиг ажыл-чорудулганың үре-түңнелин бедидер сорулгалыг» – деп, Владислав Ховалыг ужуражылга соонда бижээн.
«Тываның маадырлары» кадрлар программазының Хөй-ниити чөвүлелиниң кежигүннери Президент академиязының Күрүне эргелеп-башкарылгазының дээди школазынга өөренир 30 кордакчыны шилиир.
Россияның улус ажыл-агый болгаш күрүне албаны академиязының Президент академиязының Күрүне эргелеп-башкарылга дээди школазынга өөредилгени эртер программа киржикчилериниң түңнел даңзызын бо чоокку үеде тургузар.
Россияның Маадыры, 55-ки гвардейжи мотоадыгжы даг бригаданың дайынчызы Буян Куулар, ТР-ниң Дээди Хуралының (парламентизиниң) депутады, 55-ки гвардейжи мотоадыгжы даг бригаданың дайынчызы Мөңге Тагба дээш, өске-даа шериг албан-хүлээлгелиглер, оларның аразында кемдээн болгаш халажылга манап турарлар бар.
Күрүне эргелеп-башкарылгазының дээди школазының удуртулгазының сүмелээни-биле, «Маадырларның үези» деп федералдыг программаже шилилгеде бедик көргүзүглерни чедип алганы дээш, тускай шериг операциязының хоочуну, эки турачы Айдың Ооржакты «Тываның маадырлары» регионалдыг программаже шылгалда чокка киржир кылдыр хүлээп алган.
Шилилгениң дөрт чадазында, Россияның Айыыл чок чорук албанының Тывада эргелелиниң, ТР-ниң Иштики херектер яамызың, Тываның Шериг комиссариадының шугуму-биле анкеталарны долдуруп, чогаадыгларны бижип, айтырыг-харыыларны, чугаалажылгаларны болгаш хыналдаларны эрткен 39 кижини эксперттер «Тываның маадырлары» регионалдыг программага киржир кылдыр сүмелээн.
Шилилгениң дөрт чадазында, Россияның Айыыл чок чорук албанының Тывада эргелелиниң, ТР-ниң Иштики херектер яамызың, Тываның Шериг комиссариадының шугуму-биле анкеталарны долдуруп, чогаадыгларны бижип, айтырыг-харыыларны, чугаалажылгаларны болгаш хыналдаларны эрткен 39 кижини эксперттер «Тываның маадырлары» регионалдыг программага киржир кылдыр сүмелээн.
