Республиканың малчыннары мал оолдаашкыны эгелээнден бээр 200 ажыг муң анай, хураганны камгалап алганын ТР-ниң Көдээ ажыл-агый болгаш аъш-чем яамызы дыңнаткан. Чүс баш төрүүр малдан 80 хире баш чаш төлдү алыр планының 35-37 хуузу күүсеттинген.
Ынчап кээрге, тыва араттарының төрүүр хой, өшкүзүнүң үштен хөй кезиинде мал оолдаашкыны эгелээн. Республикага мал оолдаашкынының кампаниязы майның сөөлгү он хонуунда адакталып турда, хой болгаш өшкүнүң баш саны 539,2 муң башка немежип, ниитизи-биле 1,7 сая баш ажа бээр.
Оон аңгыда, бо чылын 87 муң баш инек база 41,5 муң баш бе төрүүр. Бөгүнде республикада 1,17 сая баш шээр малдан аңгыда, 201,1 муң баш бода мал, 99,5 муң баш чылгы, 13,7 муң баш хаван, 10,9 муң баш куш, 1,4 муң баш иви, 481 баш сыын база 253 баш теве мал бар.
Тываның Баштыңы Владислав Ховалыг мал оолдаашкынының үезинде малдың чаш төлүн онча-менди камгалап алырынга дузаны кадар даалганы яамыга база тус чер чагыргаларынга берген.
Чонну ажылга хаара тудар төптер таварыштыр 70 ажыл чок хамаатыны, көдээ ажыл-агый угланыышкынныг дээди болгаш ортумак тускай өөредилге черлериниң сургуулдарын сакман ажылдарынче хаара туткан.
Малчын коданнарже мал эмчилериниң үнүүшкүнүн күштелдирип, сиген-ширбиили чедишпес ажыл-агыйларже мал чемин сөөртүп чедирерин хандырар.
В Кызыле отметили День матери
Сегодня в национальном театре им. Виктора Кок-оола прошёл торжественный концерт, посвящённый Дню матери.