Республиканың өөредилге албан черлериниң библиотека фондузу 48 сая ажыг рубльге саткан чаа өөредилге номнары-биле четчелеттинер.
Чыл санында өөреникчилер саны көвүдеп турарындан өөредилге номнарынга хереглел улгаткан. Ынчангаш Тыва Республиканың Өөредилге яамызы чаа өөредилге чылынга белеткел үезинде школаларның номнар-биле хандыртынганын хыналдага алган.
2022-2023 чылдарда республиканың школаларында өөредилге номнары-биле хандырттынганы 83 хуу болуп турар. «ОФСЭТ», «Мнемозина», «Русское слово» база «Просвещение» ном үндүрер черлер республиканың библиотека фондуларын номнар-биле хандырып турар кол черлер ол.
Өөредилге черлериниң библиотека фондуларын четчелээр дээш, баш бурунгаар санаашкын езугаар 48 сая рубль ниити түңге чагыгны кылган.
Бөгүнде «Просвещение» ном үндүрер черден 31 сая ажыг рубль түңге 58590 санныг өөредилге номнары чедип келген. А арткан өөредилге номнары майда база июльда келир.
Республиканың өөредилге албан черлеринде номнар фондузун чаартып тура, кадыкшылының байдалы-биле кызыгаарлаттынган арга-шинектиг, дыңнаары багай уругларга чаа номнарны база чагыттырган. Эге, ортумак база улуг класс өөреникчилери кичээлдерге чаа өөредилге номнары-биле белеткенир аргалыг апаар.
Работникам дорожно-транспортного комплекса Тувы вручили госнаграды в честь профессионального праздника
Накануне, 22 ноября, в актовом зале инженерно-технического факультета Тувинского государственного университета состоялось чествование работников транспортного комплекса республики в рамках профессион…