Тываның Чазаа патент үндүрүг онаалдазынга патент системазын ажыглап болур сайгарлыкчы ажыл-чорудулга хевирлериниң даңзызын көвүдедир чадавас. Республиканың чазаа бо неделяда патентилиг үндүрүг системазының дугайында хоойлуже чогуур өскерилгелерлиг хоойлу төлевилелин хүлээп алган. Ону Дээди Хуралдың сайгарылгазынче киирген.
Төлевилелдиң тургузукчузу ТР-ниң Экономиктиг хөгжүлде яамызы экономиктиг ажыл-чорудулга хевирлеринге бүгү-российжи бүрүткелден ам-даа беш угланыышкынны амгы даңзыже киирерин саналдаан. Оларның аразында – хол-биле саваң кылыры, чуур, аштаар база чайырлаар бүдемелдер бүдүрери түр када чурттаар чер бээри, телекоммуникация адырында ажыл-чорудулга, аъш-чем аймаандан социал-ужур-дузалыг барааннар – эът, үс, чуурга, шай, далган болгаш хлеб, крупалар болгаш макарон кылыглары, “борщ” ногааларын бүдүрери, ол ышкаш реклама агентилелеиниң ажыл-чорудулгазы бар.
Тываның сайгарлыкчыларынга үндүрүг онаалдазының патентилиг системазы таарымчалыг деп авторлар санып турар, чүге дизе ол бөгүн үндүрүг чүъгүн шын эвээжедиптер эң бөдүүн арга болуп турар. Чаа адырларга патентини ажыглаарынга чөпшээрелди бээри республикада сайгарлыкчы идепкейни улгаттырып, “хөлегеде” бизнести ажык болдуруп, үндүрүг төлекчилериниң санын база бюджетче үндүрүг киирилделерин көвүдедир ужурлуг. "Хөлегеден" үнер 300 хире үндүрүг төлекчилери республика бюджединче чылда 35 ажыг сая рубльди патент төлевири кылдыр киирерин тускай мергежилдиглер санаан. Сүмелээн өскерилгелер, чижээ, блогерлерге орулгазын хоойлу езугаар шынзыдар арганы бээр.
Знамя эскадрона тувинских добровольцев передано Тандинскому району
Накануне, 5 апреля, на мосту реки через Элегест вблизи с. Чал-Кежиг Чеди-Хольского района прошла церемония передачи знамени тувинских добровольцев от Чеди-Хольского района Тандинскому.