Тыва Республикадан, Хакас Республикадан база Красноярск крайдан сан башкыларының чыынды командалары киришкен «Математика тулчуушкуннары» деп регионнар аразының маргылдаазы доозулганын ТР-ниң Өөредилге яамызы дыңнаткан.
«Тулчуушкун» команда-биле ажылдап билирин, сан билиглеринге ханы билиглиин көргүскен шылграңгайларның оюну болур. Эң хөй сан ойнап алган команда тиилээр.
“Енисей Сибириниң” 11 дугаарлыг өөредилге-башкылал округунуң Красноярскиниң педагогика университединиң удуртулгазы-биле хемчеглер планы езугаар регионнар аразының маргылдаазы болуп эрткен.
Бо маргылдаага алды: Тыва Республикадан, Хакас Республикадан база Красноярск крайдан ийи-ийи командада ниитизи-биле 30 башкы киришкен. "Сферум" шөл таварыштыр онлайн хевирге хемчегни эрттирген.
Тываның сан башкыларының ассоциациязы маргылдааны канчаар эрттирерин ажылдап кылган болза, В.П. Астафьев аттыг Красноярскиниң педагогика университединиң башкылары мергежилгелерни белеткээн. Мергежилгелерни кызыгаарлаттынган үелиг үш чадада кылыр.
ТР-ниң өөредилге сайыдының хүлээлгезин күүседип турар Ренат Ооржак киржикчилерге байыр чедиргеш, дипломнарны база өртектиг шаңналдары тывыскан. Маргылдааның түңнелинде, бирги черни Красноярск крайның 1 дугаар командазы, ийиги черни – Тываның 2-ги командазы, үшкү черни — Хакасияның 2-ги командазы, дөрткү черни Хакасияның 1-ги командалары ээлээн.
Тайылбыр: «Математика тулчуушкуннары» маргылдаа регионалдыг деңнелге 2016 чылда ажылдап эгелээн. Чылдың-на аңаа шупту 90 ажыг кижи составтыг 18-19 команда киржип турар.
