Тываның Орук-транспорт комплекизиниң яамызы чаа үнген чылда Кызыл чоогунче автобус рейстерин база Шагаан-Арыгга чедир муниципалдар аразының маршрудун немей ажыдарын планнаан.
«Туваавтотранс» бүдүрүлгези Каа-Хем суурдан Кызылдың Бай-Хаакская кудумчузунда чаа консультация-диагностика төвүнге чедер хоорай чоогунуң маршрудун ажыдар деп турар. Улуг-Хем кожууннуң чурттакчыларының хөй санныг дилээ-биле, Кызыл биле Шагаан-Арыг аразынга чаа рейсти бо чоокку үеде ажыдар.
Тываның Баштыңы Владислав Ховалыг 2022 чылда Айыткалында, республикада пассажирлер аргыжылгазының системазын эде чаартыр дээн эгелээшкинин боттандырар дээш, Орук-транспорт яамызы даалганы күүседип, эрткен чайын "Yutong" марканың 18 чаа автобузун саткан.
Чаа автобустарны – 104 «Серебрянка – Студхоорайжыгаш», 105Т «Звездочка» уруглар сады – аэропорт хөй-ниити чуртталга бажыңы» база 106 «ЧЭТ – Аңфермазы» деп үш чаа шугумче үндүрген.
Ол ышкаш кожууннар аразының үш рейзи: «Кызыл – Ак-Довурак – Кызыл», «Кызыл – Хандагайты – Кызыл» и «Кызыл – Эрзин – Кызыл» халдып эгелээнин сагындыраал.
Найысылал чоогу биле республиканың кожууннар аразынга пассажирлер аргыжылгазының чедингирин хандырар күрүне чагыын күүседип турар транспорт бүдүрүлгезин республиканың эрге-чагыргазы деткип турар.
«Туваавтотранс» бүдүрүлгези эрткен чылдың октябрьдан кожууннар аразынга дөрт муң ажыг пассажирлерни, хоорай чоогунуң маршурттарынга 200 муң хире кижини аргыштырып четтигипкенин, бүдүрүлгениң директору Айдың Кудерек дыңнаткан. Бүдүрүлге кыска үеде ажылдааш, хереглекчилеринден эки үнеледерни алган.
Ыраккы суурларның чурттакчылары кожууннар аразында рейстерни катап ажылдатканындан, ам төнчү черинге таарымчалыг өртек-биле эки чедип алыр апарган.
Микрорайон Восток Кызыла на перепутье: За или против автозаправочной станции рядом с домами
В Кызыле состоялись публичные слушания по вопросам градостроительной деятельности.