«Билиг» ниитилелинден Россия Федерациязының Маадырларының, тускай шериг операциязының киржикчилери болгаш хоочуннарының дугайында кыска чогаалдарны чурттуң шупту 89 регион алыр. Чыындыларда тускай шериг операциязының маадырларының 15 төөгүзү кирген. Фронтуга оларның маадырлыг чоруун, бедик хей-аъдын, тура-соруун, кижизиг чоруун, чанып келгеш ниитилелдиң хөгжүлдезинге үлүг-хуузун төөгүп турар. Төлевилелди Президентиниң культурлуг эгелээшкиннер фондузунуң деткимчези-биле боттандырган.
«Бистиң чогаалдарывыста маадырларның төөгүзү анаа-ла ындыг одуруглар эвес, а дириг шын-дыр. Бо чогаалдардан школачылар тиилелге болгаш чурту дээш амгы үениң маадырлыг чоруктарын болгаш оларның ужур-утказын билип алырлар. Чогаалдар чыындызын регион бүрүзүнче чоруткан бис. А школалар 200 муң ажыг санныг номну алыр. Башкылар бо ном-биле өзүп олурар салгалга ада-чуртчу кижизидилге ажылдарын чорударынга дузалаар» – деп, «Билиг» российжи ниитилелдиң чиңгине директорунуң оралакчызы Саркис Гюласарян демдеглээн.
Беш муң школаларның номнар фондулары новеллаларны алыр. Башкылар, библиотекарьлар, өөредилге черлериниң музейлер эргелекчилери, өөредилге талазы-биле чөвүлекчилер өөреникчилерге Ада-чурттуң маадырлыг камгалакчыларының дугайында лекциялар номчуурда чыындыларны ажыглаар.
Уруглар Россия Федерациязының Маадырлары Владислав Головин, Артур Орлов, Роман Кулаков, Андрей Митяшин, Иван Болдырев, Александр Шептухин, Залибек Умаев, Максим Шоломов, Николай Соколов, Эдуард Казымов, Владимир Сайбельдиң, орденнер эдилекчилери Виталий Дроздов биле Денис Погодинниң база тускай шериг операциязының маадыры Павел Фадеичевтиң төөгүзүн билип алырлар.
Тускай операция эгелээнден бээр Россия Федерациязының Маадыры атты алган бир дугаар херээжен Людмила Болилайның маадырлыг чоруу онза черни ээлеп турар.
"Билиг.Маадырлар" деп новеллаларның электроннуг хевирин сайт таварыштыр кижи бүрүзү көрүп болур дээрзин демдеглээри чугула.
Оон аңгыда 25 төөгү парыгынга Россия Федерациязының Маадырларының дугайында «Россия – мээң төөгүм» деп мультимедиа делгелгелер бүдүн чыл дургузунда болур, аңаа «Билиг.Маадырлар» новеллаларны база таныштырар.
2022 чылда «Билиг» российжи ниитилел база «Синергия» университеди тускай операция маадырларының дугайында графиктиг новеллалар төлевилелин үндүрер саналды кииргенин сагындыраал. «Синергия» университединиң анимация факультединиң студентилери тускай шериг операциязының Маадырларының дугайында баштайгы төөгүлерни тургускан. Россияның «Билиг» ниитилелиниң лектору, чогаалчы, сценарист, продюсер, хөй-ниити ажылдакчызы Олег Рой – чаа үндүрүлгениң автору.
«Чаа салгалдың маадырлыг чоруу массалыг культураның болгаш төөгүлүг сактыышкынның кезээ апарбайн, а эрткен үениң анаа-ла фактызы апаар айыыл бар. «Билиг» ниитилели-биле кады боттандырган төлевилеливис маадырларның шын төөгүзүн аныяктарга билдингир амгы үениң, билдингир дылынче шилчиткен таарымчалыг арга-дыр. Бо төөгүлер чүгле мөгейиг эвес, а чурттуң келир үези дээш ада-чуртчу чорукка болгаш хууда харыысалгага үндезилеттинген ыдыктыг чүүлдерни хевирлээрниге тодаргай үлүг-хуу-дур» – деп, «Синергия» корпорацияның президентизи Вадим Лобов чугаалаан.
Синергия университеди, Баштайгыларның шимчээшкини болгаш Чалыы армия Билиг-Маалырлар деп графиктиг новеллалар төлевилелин боттандырарынга кады ажылдааннар.
