Эрткен дыштаныр хонуктарда Кызыл хоорайга болуп эрткен “Спортчу Тыва” шуулган үезинде республиканың спортчуларының чедиишкиннерин чарлаан.
Тываның Спорт яамызының медээзи-билер алырга, республиканың спортчулары шупту 1347 медальды (413 – алдын, 389 – мөңгүн, 545 – хүлер)чаалап эккелген. Республиканың спортчулары делегей чергелиг маргылдааларга 39 алдын, 33 мөңгүн, 44 хүлер медальдарны чаалап алган.
Албан езунуң маргылдааларынга бедик үре-түңнелдерни көргүскени-биле спорттуң аңгы-аңгы хевирлеринде Россия Федерациязының спортчу чыынды командаларында тыва спортчуларның саны көвүдээн. Бөгүнде Тывадан 300 ажыг спортчулар российжи чыынды командалар составында кирип турар.
Бо чылын Тыва Республиканың спортчу чыынды командазынче кандидат кылдыр 1191 кижи кирген.
Тываның спорт албан черлеринде 417 тренер 14748 кижини спорттуң 22 хевиринде белеткелин хандырып турар.
Олимпийжи, Паралимпийжи оюннар программазында кирген спорттуң кол хевирлеринде, ол ышкаш регионда шагдан бээр хөгжүп келген бокс, дзюдо, спортчу хүреш, ча адары, кикбоксинг, сумо, самбо дээн хевирлер республикада сайзырап турар.
День кондитера в России
Ежегодно 3 мая в России, а также ряде стран постсоветского пространства, отмечается День кондитера.