Республиканың ортумак өөредилге черлериниң сургуулдары Шагаа байырлалынга уткуштур «Ачы-буянның манчызы» акцияда идепкейлиг киржип турарын ТР-ниң Өөредилге яамызы дыңнаткан.
Бо удаада Тываның көдээ ажыл-агый техникумунуң «Көдээ ажыл-агый продукциязын болбаазырадыры болгаш ооң технологиязы» мергежилди чедип ап турар дөрт дугаар курузунуң сургуулдары ачы-дуза акциязынга каттышкан.
Тускай шериг операциязында киржип турарр чаңгыс чер чурттугларывыска, оларның өг-бүлелеринге база амыдыралдың берге байдалынга таварышкан өг-бүлелерге манчыны дамчыдар.
Манчы шаандан бээр тыва өг-бүлениң хүндүлүг чеми. Ону байырлалдарда тудуп белеткээр, аалга келген аалчыларны манчы-биле хүндүлеп чемгерери – чаагай чаңчыл.
