Тываның IV Камбы-Ламазы Гелек Нацык-Доржу Башкы төөгүлүг болуушкуннуң аалчыларынга болгаш херечилеринге байырын чедирген.
– Бо кайгамчыктыг хүнде Тываның төөгүзүнде база бир алдын арын немешкен. Чаа хүрээ – эң улуг, эң чараш, катаптаттынмас, ылаңгыя Чырыткылыг XIV Далай-Лама Башкывыс-биле эгезинден тура харылзаалыг өргээ болуп турар. Чырыткылыг Башкывыс бо кайгамчыктыг, онзагай, ыдыктыг хүрээниң черин айтып, адын адап, айызаан.
Бо буянныг үүле-херекти эчизинге чедир боттандырган К.С. Шойгу аттыг культура фондузунга, бо бүгүнү кылып турган тудугжуларга, скульпторларга, деткикчилерге чүдүлгелиг тыва чоннуң мурнундан, тыва лама-башкыларның мурнундан өөрүп четтиргенимни илередип тур мен.
Сергей Күжүгетовичиниң өг-бүлезиниң, дөргүл-төрелиниң, чоок эш-өөрүнүң ачы-хавыяазы-биле ажыттынып турар хүрээвис чуртувуска, чонувуска, ылаңгыя келир үеде салгалдарывыска эгээртинмес улуг белек болуп турар.
Төөгүлүг болуушкун-биле байыр чедирип тур мен.

В Туве подходит к завершению вторая волна экзаменов по кадровому проекту «Герои Тувы»
Глава Тувы Владислав Ховалыг сообщил в своем блоге о том, что завтра, 15 мая, в республике завершается вторая волна экзаменов по кадровому проекту «Герои Тувы».