«Ада мен» деп республика чергелиг мөөрейге 17 ача киришкенин ТР-ниң Культура яамызы дыңнаткан. Олар чедилик дургузунда эр улустуң оюннарынга күжүн шенежип, салым-чаяанын бараалгадып, өг-бүлезин таныштырган. Кол шаңнал – өөр чылгы малды Сүт-Хөлден Артыш Донгак алган. Тиилекчи ийи оол, ийи кыстың ачазы.
«Алдын ада» – Артыш Донгак (Сүт-Хөл), «Мөңгүн ада» – Сергек Чукпанай (Улуг-Хем), «Мөңгүн ада» – Буян Сержи (Барыын-Хемчик).
Тываның эртинези ада – Кежик Успун (Бай-Тайга)
Мерген-угаанныг ада – Эрес Чыргал (Тес-Хем)
Салым-чаяанныг ада – Менги Дамбаа (Мөңгүн-Тайга)
Чоннуң үнелээн адазы – Сергек Чукпанай (Улуг-Хем)
Эвилең-ээлдек ада – Күдерек Оюн (Бии-Хем)
Кижизидикчи ада – Мерген Саая (Кызыл хоорай)
Эрес-кашпагай ада – Руслан Ооржак (Чөөн-Хемчик)
