Тываның Чазаанга «2023 чылдың тулган күрүне хамааты албан-хаакчызы» мөөрейниң түңнелдерин үндүрген. «2023-2028 чылдарда күрүне хамааты албанын хөгжүдери» күрүне программазының хемчээ-биле Тываның тергиин күрүне албан-хаакчызы ат дээш мөөрейни бир дугаар эрттирген.
Күүсекчи болгаш күрүне эрге-чагырага органнарында ажылдап турар 32 албан-хаакчы мөөрейге киришкен. Тываның Баштыңы Владислав Ховалыг мөөрейниң тиилекчилерниге байыр чедирген.
Күрүне хамааты албанының ат-алдарын бедидип, республиканың күрүне эрге-чагырга органнарының ажыл-чорудулгазының дээштиин хандырарынга улуг үлүг-хуузун киирген болгаш профессионал албан ажыл-чорудулгазында бедик үре-түңнелдерни чедип алган күрүне хамааты албан-хаакчыларын илередип база деткиир дээш мөөрейни эрттирген.
Мөөрейниң үшкү чадазында комиссиязы шилилде турну эрткен 16 киржикчиниң «Бистиң республиканың (күрүнениң) хөгжүлдезин кандыг арга-биле экижидип болур мен?» деп темага санал-оналын дыңнаан. Мөөрей киржикчилери албан-хүлээлгезиниң аайы-биле, аңгы адырның социал-экономиктиг хөгжүлдезиниң көргүзүглерин экижидеринче угланган илеткелдерни кылган.
Тыва Республиканың Дээди Хуралының күрүне албан-хаакчызы Аржаан Куулар бүгү-ле шылгалдаларны чедиишкинниг эрткеш, хүндүлүг бирги черни ээлеп, «2023 чылдың тулган күрүне хамааты албан-хаакчызы» атка төлептиг болган. Тыва Республиканың Дээди Хуралында күрүне албанында ажылдап турар Айяш Конгар ийиги черни ээлээн. ТР-ниң Соңгулда комиссиязының албан-хаакчызы Дозураш Шулуу үшкү черге төлептиг болган.
Владислав Ховалыг тиилекчилерге дипломнарны тыпсып, республиканың чаагай чоруу дээш ажыл-албанынга чедиишкиннерни күзээн.
Чурукту Валерий Сандан тырттырган
Жители Тувы присоединились ко Всероссийской акции «Сад памяти»
Лесные инспектора Балгазынского лесничества успешно провели мероприятие по высадке саженцев берёзы и ели на территории памятника участников Великой Отечественной войны 1941-1945 годов и участникам СВ…