Национал школа хөгжүдер институттуң тыва филология лабораториязының эртем ажылдакчылары Тываның тудуг техникумунуң сургуулдары-биле лекторий-ужуражылганы Россияда эртем хүнүнге, төрээн дыл хүнүнге тураскаадып эрттиргенин институт дыңнаткан.
Тыва филология лабораториязының эртем ажылдакчызы Аянмаа Салчак тыва улустуң Шагаа байырлалын Россияның чоннарының чаа чыл уткуур байырлалдары-биле деңнеп, солун тайылбырны кылган.
QR-код таварыштыр Шагаа дугайында солун айтырыгларга сургуулдар идепкейлиг харыылааннар.
Техникумнуң немелде өөредилге башкызы Чойганмаа Куулар Шагаа йөрээлин салып, уругларга ооң аянын бараалгаткан. Тыва улустуң йөрээлдериниң тургузуун, утказын А.К. Салчак сайгарып, тайылбырлаан.
Тыва улустуң чугаа чаңчылының дугайында медээлер маадырлыг тоолдарда кадагалаттынып артканын Чочагай Хомушку таныштырып, амгы үеде чугаалажыр чаңчыл-биле деңнеп, сургуулдарга солун тайылбырны кылган.
Ужуражылгага техникумнуң сургуулдары келген аалчыларга хөй-хөй айтырыгларны салып, идепкейлиг киришкеннер.

Депутаты города поддерживают защитников: ежемесячная помощь для передовой
В рамках постоянной поддержки защитников Родины депутаты города Кызыла собирают гуманитарную помощь, которая направляется на передовую.