Чылдың-на Хүүле хемниң суу дажый бергеш, Арыскан биле Арыг-Үзүү аразында көвүрүглерни үреп кааптарга, оруу муңгашталып калырын чагырга чери дыңнаткан.
Бо чылын база хар суу баткаш, үш дугаар көвүрүгнү үрегдээн. Арысканчылар Белдир-Кежиилеп аргыжып турар. Хүлээникчи Аяс Чаш чеди сая рубльдиң садыглажыышкынын ойнап алгаш, июнь 26-дан эгелеп көвүрүгнү кылып эгелээн. Тудуг бригадазында 13 кижини, беш техниканы хаара туткан. Объектини бо айда доозар сорулганы салдынган.
Көвүрүг кежииниң узуну 13 метр, дооразы 8 метр. Көвүрүгнүң суг иштинге турар чудуктарын иривес кылдыр гудрон чаап тургаш, салып үндүрен. Удавас чаа көвүрүг Арыскан биле Арыг-Үзүү аразының оруун ажыдар.
Чылдың-на чазын тайганың хары эрип баткаш, кара-суглар көдүрлүп, тайга эдээ суурларның оруктарын үреп кааптар. Бичии кара-суглар дажый бергенде оруунга хая-даштарны чууктап, улуг чоон ыяштарны дазылындан турулдур чууй шаап, дой-довуракка кыза берген бадып эгелээр...
