Бөгүн Хамааты байдалдың актылар бижидилге органнарының ажылдакчыларының хүнүнде Улуг-Хем кожуунда чаа өг-бүле немешкенин чагырга чери дыңнаткан.
Арыг-Бажының экер оглу Айыр Чаш-оол база Чөөн-Хемчик кожууннуң Хайыракан сумузунуң чараш кызы Билзек Сат өг-бүле тудуп, бадылашканнар.
Тываның хамааты байдалдың актылар бижидилгезиниң Улуг-Хем кожуунда эргелели бо хүнден эгелээш чаңгыс доң — өг-бүле туткан аныяктарга бадылашканының дугайында шынзылга бижикти байырлыг байдалга тыпсып, белек-селекти сунган.
Айыр биле Билзек бот-боттарынга ханы ынакшылын илередип, быжыг өг-бүле тутканының херечизи болур алдын билзектерин солчуп, хөй чылдарда кады чурттаар бады даңгыраан бот-боттарынга берген.
Улуг-Хем кожууннуң Төлээлекчилер хуралының даргазы Артыш Кара-Сал база аныяктарның чоок кижилери чаа тургустунган өг-бүлеге байыр чедирип, аас-кежикти күзээн.
