Ийи-Тал сумузундан хууда сайгарлыкчы социал-экономиктиг хөгжүлдениң амы-хууда программазының ачызында бодунуң төлевилелин амыдыралда боттандырганын ТР-ниң Көдээ ажыл-агый яамызыны дыңнаткан. Ол бүдүрүлгезин сайзырадыр дээш он беш сая рубльди алган.
ТР-ниң көдээ ажыл-агый сайыдының оралакчызы Баир Ховалыг «Ырлыг-Булак» кызыгаарлаан харыысалгалыг ниитилелдиң малчын коданынга чедип чораан. Ийи кыштагның девискээринде бода (100 баш) болгаш шээр малга кажаа-хорааны болгаш ийи чуртталга бажыңын туткан. Ол ышкаш субсидия алыкчылары чаа машина-техниканы база садып алган.
Бүдүрүлгениң удуртукчузу Мира Кыргыс Тываның Чазаанга, Көдээ ажыл-агый яамызынга, Улуг-Хем кожууннуң чагыргазынга деткимче алырынга дузазын көргүскени дээш четтиргенин илереткен. Көдээ ишчилер Улуг-Хем кожуунга мал-маганның баш санын көвүдедир дээш кызымаккай ажылдап турарлар.
Улуг-Хем кожуунга көдээ ажыл-агыйын сайзырадыр дээш «Ырлыг-Булак» кызыгаарлаан харыысалгалыг ниитилелди 2022 тургускан. 2024 чылда социал-экономиктиг хөгжүлдениң амы-хууда программазынга киришкеш, күрүне деткимчезин алган.
Россияның Президентизи Владимир Путин социал-экономиктиг хөгжүлдениң амы-хууда программазын алды чылга узатканын сагындыраал. Ук программаның боттандырылгазындан эгелээш республикада 900 хире чаа ажылчын олут тургустунган болгаш чаа инвестицияларны хаара туткан.
