Улуг-Хем кожууннуң соңгукчулары идепкейлии-биле бадылап турарын чагырга чери дыңнаткан.
Соңгулда участоктарында комиссия кежигүннеринден аңгыда шагдаалар, хөй-ниити хайгааракчылар ажылдап турар. Тыва национал идик-хептиг, өг-бүлези-биле кады кээп турарларның саны эвээш эвес.
Комиссия кежигүннери шагдаа ажылдакчылары-биле соңгулда участогунга кээп шыдавас улусту, малчыннарны эргий кезип, бадыладып турар.
Ол ышкаш соңгулда участоктарында эмчилер чоннуң ханының базыышкынын хынап турар. Ногаажылар күскү дүжүдүн садып-сайгарган.
Соңгукчу бүрүзү хамааты туружун көргүзүп, чуртунуң сайзыралы, келир үези дээш бадылап турар.
Бөгүн соңгулдаларның үшкү хүнү. Соңгукчулар киир бижиткен чериниң аайы-биле, эртенгиниң 8.00 шактан кежээкиниң 20.00 шакка чедир соңгулда участоктарынга бадылаар.
