Улуг-Хем кожууннуң Наадымының ча адарынга мөөрейге республикада шыырак адыгжылар санынче кирип турар ча спортунуң тергииннери киришкенин чагырга чери дыңнаткан.
Эр адыгжылар аразындан Арысканның хоочун багжызы Андрей Серин хөй санны алгаш, тиилээн. Ийиги черни Шораан Кызыл-оол (Хайыракан), үшкү черни Түмен Дамдын (Эйлиг-Хем) чаалап алганнар. Шаңналдарны сески черге чедир тывыскан: Олег Чанчып, Доржу Дамдын, Орлан Чанчып, Сергей Түлүш, Айдың Даваа шаңналдыг черлерни ээлээн.
Кыс адыгжылардан Эйлиг-Хемден Анзат Доржу тиилекчи болган. Арыскандан ча спортунуң тергииннериниң салгалы Шеңне Саржат-оол ийиги черни ээлээн. Үшкү черни Шагаан-Арыгдан адыгжы кыс Шеңне Даржай чаалап алган. Чинчи Монгуш, Аялга Дангыт-оол, Аржаана Күжүгет, Мөңгүн-Ай Монгуш, Алдын-Сай Күдер-оол 4-тен 8-ке чедир шаңналдыг черлерже кирген.
