Тываның эмнелге албан черлериниң техниктиг баазазын экижидери уламчылавышаан. Улуг-Хемниң кожууннар аразының медицина төвүнде «Идепкейжи узун назын» национал төлевилел-биле озал-ондак болгаш хан-дамыр аарыгларының соонда аарыг кижилерге эмчи реабилитациязын эрттиреринге чаа тускай дериг-херекселдерни садып алган.
Улуг-Хемниң кожууннар аразының эмнелге төвүнде бир дугаар ажыттынып турар реабилитация салбырында узунун хемчээр, криотерапия тускай эмчи болгаш оон-даа өске дериг-херекселдерин, хөй ажыглалдыг электрилиг орунну, нугуушкун аппарадын саткан.
"Кадыкшылды катап тургузарынга дээштиг эмчи реабилитациязы" программа езугаар “Серебрянка” санаторийинге, Кызылдың эмнелгелеринге, Уругларның катап тургузуушкун медициназы болгаш реабилитация төвүнге база баштайгы эмчи албан черлеринге ындыг дериг-херекселдерни садып алганын демдеглээри чугула.
Бо чылын Тывада эмнелге албан черлеринче ниитизи-биле 207 санныг дериг-херекселди чедирген, ооң 180-ин аарыг кижилерниң реабилитациязынга ажыглаар.
«Идепкейжи узун назын» национал төлевилелдиң кезээ болур «Кадыкшылды катап тургузарынга дээштиг эмчи реабилитациязы» федералдыг төлевилел күүселдези-биле дериг-херекселдерни садып тургускан.
