Улуг-Хем кожууннуң Эйлиг-Хемниң авалары ээлчеглиг 3х6 дөрбелчин метр хемчээлдиг улуг техника шывыын кылып доосканын сумунуң херээженнер чөвүлелиниң даргазы, эки турачылар штавының удуртукчузу Р.К. Быштак-оол дыңнаткан.
Хайыраканның чайгы лагеринде дыштанып турар уруглар тускай шериг операциязында киржип турар дайынчы акыларынче чаагай күзээшкиннер бижээн чагааларын дамчытканнар.
Дайынчы хөделиишкиннер шөлдеринде шериг оолдарга улуг машина-техника шывар четкилер чугула херек. Кызылда 55-ки гвардейжи тускай мото-адыгжы (даг) бригаданың септелге бригадазының шериглери кывар-чаар чаар чүүл сөөртүр улуг чүък машиназын шып алырга, дайзыннар оларны эскербес болурун чуруктары-биле бадыткаан.
Улуг-Хемниң хөй-ниитижилери тускай шериг операциязында киржип турар дайынчыларны доктаамал деткип, чажыртынып шыптынар четкилерни кылып, чаъска кедерлерни даарап, оон-даа өске херек чүүлдерни чорудуп турар.
