Тываның чурттакчылары 1941-1945 чылдарда Ада-чурттуң Улуг дайынынга Тиилелгениң 80 чыл оюн демдеглээр улуг байырлалга эки турачылап болур. Байырлалга тураскааткан хемчеглер Россия Федерациязының шупту субъектилериниң девискээринге бүдүн 2025 чыл дургузунда болуп эртер.
Аныяктар херектериниң талазы-биле федералдыг агентилел биле «Тиилелгениң эки турачылары» Бүгү-российжи хөй-ниити шимчээшкини Тиилелгениң юбилейин демдеглээриниң чаңгыс аай үзел-бодал системазын ажылдап кылган. Ол ажылга эки турачыларның регионалдыг төптерин тургузар. Ниитизи-биле Россияга болгаш даштыкыда шимчээшкинге эвээш дизе 300 муң эки турачы киржир ужурлуг.
Өөредилге организацияларының баазазынга, эки турачы чорукту хөгжүдер курлавыр төптеринге, ол ышкаш Тиилелге эки турачыларының салбырларынга регионнарның эки турачылар корпузунуң белеткел төптерин ажыдары планнаттынган. Эки турачылар тускай белеткелди эртер: төөгүнү сактып, ада-чуртчу хемчеглерни организастаар арга-дуржулгаларны шиңгээдип, харылзааны болгаш үе-шакты шын ажыглалын тургузарын өөренир дээш оон-даа өске.
Эки турачылар 2025 чылдың октябрь-ноябрьда Ада-чурттуң Улуг дайынынга Тиилелгениң 80 чыл оюнга тураскааткан эки турачылар корпузунуң делегей чергелиг шуулганынга киржир.
Регионнарның эки турачылар төптериниң ажыдыышкыны ноябрьда чаңгыс хүнде болур. 2024 чылдың октябрьда эки турачыларны бүрүткеп эгелээрин планнаан. Тодаргай медээни волонтерыпобеды.pф сайтыдан билип ап болур.
Тувинское региональное отделение Всероссийского общества слепых отметило День инвалида
С 1992 года 3 декабря во многих странах мира отмечается Международный день инвалидов, учрежденный Генеральной Ассамблеей ООН в целях поддержки людей с ограниченными возможностями и содействия их полн…