Национал школа хөгжүдер институттуң аалчызы – Улус өөредилгезиниң хоочуну Анчымаа Сонам. Амгы үеде Анчымаа Иргитовна хүндүлүг дыштанылгада-даа болза, уйнуктарының ажы-төлүнге төрээн дылын сонуургадып, өөредип турар кырган-аваларның бирээзи.
Башкы аныяк-өскен ажы-төл аразында төрээн дылын билбес улустуң саны көвүдеп турарын дүвүрел-биле демдеглеп, ол дээш уйгу чок сагышсырап чоруурун институттуң ажылдакчыларынга чугаалап, тыва дыл кичээлдери чүге эвээжээн, тыва дыл кичээлдериниң методиказы дугайында чидиг айтырыгларны салып, сүмележип келгенин институт дыңнаткн.
Улус өөредилгезиниң хоочун башкызы аныяктарга байлак арга-дуржулгазын сөңнеп чоруур Анна Кыдат-ооловна Ооржак келин кыстар дугайында чыгдынган ажылы дугайында база тыва чоннуң чаңчылында келин кижи кандыг болур дээрзин илереткен бодалдары-биле үлежип, Россияда чарлаттынган Өг-бүле чылында чаа ажылын парладыр сорулгалыг кээп чораан.
