Тываның муниципалдыг тургузуглары "Улусчу картофель" төлевилелдиң киржикчилериниң даңзызын тургуспушаан. Чогуур үрезинни сөөртүп эккээринге белен араттар-биле керээлерни чарып турар. Амдыызында үш чүс ажыг өг-бүле күрүне деткимчези кылдыр картофель үрезининче билдириишкинни киирген.
Кемероводан сайгарлыкчы Николай Живодеров-биле керээни чарган. Ол бо хүнге чедир Ак-Довурактуң чурттакчыларындан кирген чагыгны хандырар. Тус черниң хууда сайгарлыкчызы Александр Желтухин Тере-Хөл биле Чеди-Хөл кожууннарда төлевилелдиң киржикчилерин картофель үрезини-биле хандырар. Бо хүннүү-биле, тус-тузунда 271 база 55 өг-бүле күрүне деткимчезинче билдириишкинни киирген. Таңды кожуунда – 379, Улуг-Хемде – 1288, Сүт-Хөлде – 310 өг-бүле үрезинге хереглелдиг.
Тываның Күш-ажыл болгаш Көдээ ажыл-агый яамыларының удуртулгазы-биле кожуун болгаш хоорай чагыргалары төлевилелди боттандырып турар. Бир өг-бүле 25 кил картофель үрезинин база чартык кил “борщ түү” – свекла, морковь, капуста, согуна болгаш өске-даа ногаа аймааны үрезиннерин алыр. А үш болгаш оон хөй ажы-төлдүг өг-бүлелерге 50 кил картофель үрезинин бээр.
Огородчулар тарып олурткан 25 кил картофель үрезининден 100 кил хире дүжүттү, а чартык кил хире ногаа үрезининден центнер ажыг ногаа дүжүдүн ажаап алыр ужурлуг.
Тувинские врачи спасли беременную женщину с тяжёлой патологией сердца
В Туве врачи своевременно выявили тяжёлую патологию сердца у 41-летней беременной женщины.