Сүт-Хөл кожууннуң төпчүткен ном саң системазының ажылдакчылары Тываның Улустуң чогаалчызы С.А. Сарыг-оолдуң 115 харлаанынга тураскааткан «Чогаалдары мөңге дириг» деп кожуун чергелиг уран-чечен номчулга хүнүн эрттирген.
Чогаалчының сураглыг «Херээжен», «Авамның ынак оглу», «Хорлуу кадай», «Чадаганым», «Кыжын» дээш оон-даа өске шүлүктерин кожууннуң хоочун чурттакчылары О.М. Ондар (Бора-Тайга), Ю.О. Күжүгет (Кызыл-Тайга) база Суг-Аксы ортумак щколазының тыва дыл болгаш чогаал башкызы А-Ч. Ш. Ондар болгаш Ак-Даш, Кара-Чыраа, Суг-Аксының өөреникчилери улуг сонуургал-биле идепкейлиг киришкеннер.
С.А. Сарыг-оолдуң чогаалдары улуг-биче номчукчуларга шынап-ла мөңге дириг болуп артып каарынга ном саңы бүзүрелдиг.
Төпчүткен ном саңы Александр Ондар аттыг төп культура бажыны-биле номчулга хүнүн демнежип эрттирген.
