Чаа-Хөл кожууннуң төпчүткен ном саңынга Тыва Республиканың алдарлыг ажылдакчызы, Тыванын чогаалчылар эвилелиниң кежигүнү Александр Ондар-биле ужуражылга болуп эрткенин ном саңы дыңнаткан.
Александр Ондар "Ыдыктыг Хемчик" деп чаа номунуң кыска допчулалы-биле таныштырган. Ол "Бижээчи", "Ынакшылдың ыдыы", "Манчүректен дазыл тырткан", "Даң хаяазында амыдыралдың агымы" дээш оон-даа өске чогаалдарның болгаш шүлүктерниң автору. Аалчы номнарын ном санынга белекке берген.
Чогаалчының солун болгаш барымдаалыг, төөгүлүг чугааларын келген чон улуг сонуургал-биле дыңнаан.
Ном саңынын ажылдакчылары чогаалчының үндүрген номнарынга "Уран сөстүң сиилбикчизи" деп ном делгелгезин дерээн.
