Бии-Хем кожууннуң Аржаанда "Алёнушка" уруглар садында шыдыраа бөлгүмү ажыттынганын чагырга чери дыңнаткан.
Тываның Баштыңы Владислав Ховалыгның грант деткимчези-биле «Уруглар садтарынга – шыдыраа» төлевилели боттанып эгелээнин сагындыраал.
ТР-ниң өөредилге сайыдының хүлээлгезин күүседип турар Ренат Ооржак улуглар садының эргелекчизи Аяна Пичи-оолга шыдыраа комплектилерин дамчыткан.
Уруглар садының улуг методизи Алена Монгуш чаштарга шыдыраа оюнунуң үндезиннерин шиңгээдип алырынга дузалап, кичээлдерни эрттирип эгелээн. Бичии аржаанчылар угаан-медерел сайзырадыр оюну улуг сонуургал-биле өөренип кирипкеннер.
