Мөңгүн-Тайга кожууннуң чагыргазының ажылдакчылары биле «Чаш назынның айтыкчылары» федералдыг төлевилелдиң муниципалдыг координатору уругларның айыыл чок чоруун хандырарынга хамаарышкан хыналда үнүүшкүннерни чорутканын ТР-ниң Өөредилге яамызы дыңнаткан.
Олар Каргы-Бажы талазында малчын турлагларга чедип, дыштанылгазын чайлагларда эрттирип турар 32 уругну илереткен. Чаштарның хоойлу езугаар төлээлелери-биле уругларның айыыл чок чоруун хандырарының дугайында чугааны кылган: ажыл-ишке, отка, хем-сугга шын алдынарының дүрүмнерин сагындырган. Уруг бүрүзүнге чайгы үеде айыыл чок чорук дугайында таныштырылга-бижиктерни үлээн.
Профилактиктиг чугаалардан аңгыда, уругларга спортчу оюннарны организастаан. Хыналда үнүүшкүн үезинде уругнуң айыыл чок чоруун хажыткан дугайында таварылга илереттинмээнин сагындыраал. Ынчалза-даа назы четпээннерниң айыыл чок чоруун хандырар хемчеглер бүдүн чай дургузунда уламчылаар.
«Назы четпээн уруг-дарыгның айыыл чок чоруу чүгле улуг улустан хамааржыр. Ынчангаш уругларның кадыкшылы, амы-тыны дээш харыысалгалыг болуп, бедик кичээнгейлиг болурун ада-иелерге сагындырып тур бис» – деп, «Чаш назынның айтыкчылары» федералдыг төлевилелдиң муниципалдыг координатору демдеглээн.
В Туве стартует профилактическая акция «Безопасный лёд»
С 15 ноября 2026 года по 1 апреля 2027 года на территории Республики Тыва будет проводиться профилактическая акция «Безопасный лёд».


