Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Уругларны тыва чоннуң езу-чаңчылдары-биле таныштырар

17 декабря 2024
15

Республиканың уруглар садтарының кижизидикчи башкыларынга болгаш тыва дыл башкыларынга өөредиглиг семинар болуп эрткенин Национал школа хөгжүдер институт дыңнаткан.

«Уругларны тыва чоннуң езу-чаңчылдары-биле таныштырары» деп республика чергелиг өөредиглиг семинар Кызыл хоорайның 27 дугаарлыг «Угулза» уруглар садынга болуп эрткен. 66 кижизидикчи болгаш аңгы-аңгы угланыышкынның тускай мергежилдиглери улуг сонуургал-биле киришкен. Семинарның башкыларынга Тываның өөредилге яамызының ниити билиглер килдизиниң даргазы Светлана Монгуш байырны чедирген.

Семинарның теориялыг кезээнге Делегей чергелиг школа назыны четпээн уругларның өөредилге академиязының психология эртемнериниң кандидады Мария Лилюхина, Өөредилге яамызының ниити билиглер килдизиниң специализи Урана Допул, Национал школа хөгжүдер институттуң улуг методизи Альбина Монгуш, Кызыл хоорайның 17 дугаарлыг "Салгал" уруглар садының эргелекчизи Лада Хертек, Кызыл хоорайның 12 дугаарлыг "Кежик" уруглар садының немелде өөредилге салбырының башкызы Шолбан Хомушку база Чадаана хоорайның "Хээлер" уруглар садының психолог башкызы Чойганмаа Сат солун болгаш ажыктыг лекцияларны номчаан.

Практиктиг кезээнге ук уруглар садының тыва дыл башкызы Сайсуу Даргын-оол болгаш өске-даа дуржулгалыг башкылар боттарының билии-биле келген башкылар-биле үлешкеннер. Ылаңгыя тыва дыл башкызы Сайсуу Даргын-оолдуң «Үш чүүл эртемниг оол» деп тыва улустуң тоолунга үндезилээн кичээли кайгамчык болганын келген башкылар демдеглээн.

Республиканың аңгы-аңгы кожууннарындан келген башкылар чаа-чаа билиглер-биле чепсегленгеннер.