Хандагайтыда Улуг салгалдың харылзажыр төвү эжиктерин ажытканын чагырга чери дыңнаткан.
Байырлыг ажыдыышкынга Россияның Социал фондузунуң Тывада салбырының удуртукчузу Часкал Дараа, Россияның пенсионерлер эвилелиниң регионалдыг салбырының даргазы Алла Хурума, Өвүр кожууннуң чагырга даргазы Айдыс Куулар, Төлээлекчилер хуралының даргазы Анай-Хаак Лопсан-Серен хүндүлүг хоочуннарга байыр чедирген.
Часкал Дараа төптү ажытканының ужур-дузазын чыылганнарга таныштырып, кожууннуң хоочуннарын төптүң ажыл-ижинге идепкейлиг киржип, хостуг үезин ажыктыг эрттирерин күзээн.
Чаа ажыттынган харылзажылга төвү буурул баштыгларга саң-хөө, хоойлу-дүрүм талазы-биле билиглерин бедидеринден аңгыда хостуг үезин солун болгаш ажыктыг эрттиреринге таарымчалыг байдалдарны тургузар.
