Чайгы дыштанылга үезинде Каа-Хем кожууннуң С.О. Тамба аттыг төп үлегер-майыктың ном саңының ажылдакчылары школачыларга аңгы-аңгы хемчеглерни эрттирип турарын ном саңы дыңнаткан.
Ном саңының ажылдакчылары «Каа-Хемниң хаяазы» чечен чогаал каттыжышкынының киржикчилери-биле өзүп орар аныяк салгалды төрээн дылынга ынак, хумагалыг болурунга кижизидип, чогаал бижиир салым-чаяанын илередиринче угланган хемчеглерни кожууннуң школалар чанында чайгы лагерьлерде эрттирип эгелээн.
Бо удаада Ч.Э. Балчый, С.А. Бадый-оол база Р.Д. Чульдум Бүрен-Аксы ортумак школазының чанында чайгы лагерьге аалдап четкеннер. Олар дыштанып турар уругларга тыва дылга хамаарышкан солун оюннарны эрттирип, сураглыг тыва чогаалчыларның чаштарга чогаалдары болгаш «Салгынчыгаш» номчулга сеткүүлү-биле таныштырган.
Р.Д. Чульдум – тускай шериг операциязының киржикчизи, шүлүкчү. Ол оолдар болгаш уругларга чер-чуртунга ынак болгаш бердинген болурун суртаалдаан. С.А. Бадый-оол чаа чогааткан шүлүүн чаштарга бараалгаткан.
Хемчеглер программазың кожууннуң тыва дыл болгаш чогаал башкыларының метод каттыжыышкынының удуртукчузу Ч.Э. Балчый биле ном саңының чурт-шинчилел килдизиниң эргелекчизи Ч.Б. Санчат-оол тургускан.
Үнүүшкуннер ам-даа уламчылаарын чурт-шинчилел килдизиниң эргелекчизи медеглээн.
![Центр общественного наблюдения приступил к работе](https://thumbor.newswave.ru/9Ckxj5QHohjVneOmGKAuPhAcO_E=/870x474/https://tmgnews.ru/media/publications/5275148139/cover/tndel8vqhyzrqrzqld2happy0grmni389kgerz4fojte0p2wpxvzfeoolhskuui-u-ljqhk3cmj4d0q0nyt4mubu.jpg)
Центр общественного наблюдения приступил к работе
Сегодня в Туве в 08:00 открылись участковые избирательные участки. Как сообщает общественная палата РТ, открытие УИКов традиционно началось с звучания гимнов России и Тувы.