Кызылдың немелде өөредилге төвү патриотчу кижизидилге айының иштинде «Ада. Адазының ады. Ада-чурт» деп хоорай чергелиг чурук мөөрейин эрттиргенин республиканың немелде өөредилге сайзырадыр төвү дыңнаткан.
Төпке хей-аът көдүрлүүшкүннүг база чогаадыкчы хүн эрткен. Уруглар чүгле мөөрейге киржип эвес, а өңгүр будуктарның, карандаштарның дузазы-биле сагыш-сеткилин илереткен.
5-8 класстарның уруглары «Төрээн чурт камгалаар деп мергежил бар» деп тоолчургу апарган фильмден цитатага үндезилээн темага чуруктарны чурааннар. Олар камгалакчы кижиниң дугайында шинчилээн: бурун шагның маадырларындан эгелээш, Ада-чурттуң Улуг дайынының киржикчилери база амгы үениң шериг мергежилдериниң: камгалакчылар, полиция ажылдакчылары, ачаларынга чедир.
Үстүкү класстарның өөреникчилери «Виват, Россия!» темага чуруктарны чураан. Оларның ажылдары дээрге чурттуң амгы болгаш келир үези, эрткен үениң сайгарылгазы, овур-хевирлер болур.
Мөөрей ада-чуртчу чорукту уран чүүл таварыштыр илереткен байырлал болганын сагындыраал.
