“Тайга” станциязынга республиканың суд системазының төлээлери – 17 команда II кышкы спартакиадага киржип, хаак оруунче үнгенин шүүгү чери дыңнаткан. Эстафета дөрт чадага эрткен.
Тываның Арбитраж судунуң командазынче даргазы А.О. Таргын, шииткекчилер дузалакчылары – Н.С. Прокопьева, А.О. Бирлей, суд ажылдакчызы О.С. Салчак кирген.
Кышкы спартакиаданың түңнелдери: I черге Арбитраж судунуң, II черге Кызылдың хоорай судунуң, III черге Бии-Хемниң район судунуң командалары төлептиг болган.
Херээжен хаакчылар аразынга амы-хууда чарышка Арбитраж судунуң төлээзи Н.С. Прокопьева II черни чаалап алган. Ол-ла шүүгү чериниң шииткекчизи А.А. Оюн «Тергиин аарыкчы» деп атка төлептиг болган.
Соок хат болгаш агаарның чавыс температуразы хаакчыларга моондак болбаан. Суд системазының ажылдакчылары болгаш хоочуннары хаак спортунуң байырлалынга идепкейлиг киришкен.
