Тыва үндезин культура төвүнге болуп эрткен магаданчыг ыры кежээзинге "кижи бажы кизирт, аът бажы козурт" болганын төп дыңнаткан. Ук төлевилел үш дугаар болуп турары бо, дараазында ыры-шоору кежээзи февраль айда болур.
"Каттыраңнап чаңнап чедип кел", "Хайыралдыг эргим авай", "Эглип келир куштарым", "Манчүрээм" дээш оон-даа өске чараш тыва ырыларны чыглып келген чон магадап дыңнап, артистер-биле кады сагыш-сеткилинден ырлажып турганнар.
– Ада-иелеревистиң ырлажып чораан ырыларының чаражын, уткалыын – деп, аныяктар үнелелин берип, экранда сөстерни номчувушаан катай ырлашканнар.
Тыва кижиниң өгбелер-биле харылзаазы ам-даа катай деп онзагай чүүлдү көргүскен, сагыш-сеткил дойлуп келир, уяранчыг, тускай кежээ болган.
