Кызыл хоорайның хоочуннар чөвүлелиниң кежигүннери – «мөңгүн эки турачылар» тускай шериг операциязы эгелээнинден тура дайынчыларга доктаамал ачы-дузазын чедирип турар.
Энелер Шагаа уткуштур дайынчыларга ачы-дуза чыылдазынга катчып, хоочуннар чөвүлелиниң даргазы Ольга Дамдынның удуртулгазы-биле амданныг бооваларны белеткээнин хоорайның хөй-ниити организациязы дыңнаткан.
Ай санаашкыны-биле Чаа чыл – Шагаага уткуштур дайынчыларга ачы-дуза чедирер акция февраль 10-га чедир уламчылаарын сагындыраал. Кижи бүрүзү тиилелгени чоокшулаштырар дээш үлүг-хуузун киирип, ачы-дуза чыылдазынга катчып болур.
Тускай шериг операциязында киржип турар дайынчыларга ачы-дуза чыыр пункт дараазында адрестерде ажылдап турар: Кызыл хоорай, Чульдум кудумчузу, 40А, өрээл 20, 21. (Улусчу фронтунуң регионалдыг салбыры), Ленин кудумчузу, 5 (Тываның күрүне университединде «Кады бис» штавы), Правобережная кудумчузу, 4 (Көдээ ажыл-агый рыногу).
Харылзажыр телефону: +7 (39422) 2-10-50.
