Бай-Хаак ортумак школазынга кыс өөреникчилер чөвүлелиниң хуралы болуп эрткенин республиканың немелде өөредилге сайзырадыр төвү дыңнаткан. Аңаа 200 хире уруглар киришкен.
Уругларның хуралын школаның президентизи Темирлана Ондар ажыткаш, киржикчилерге байыр чедирбишаан, школаның Уставында бижиттинген чугула дүрүмнерни сагындырган.
Хурал үезинде кол-кол айтырыгларны чугаалашкан: школага кедер хеп, корум-чурум база школага дежурныйлаары, этиканың нормалары, хемчеглерге киржири болгаш өөреникчилерге психологтуг дузаны көргүзери.
База бир чугула айтырыгның бирээзи – «Бүзүрел телефону» акцияже кичээнгейни салган. Өөреникчи бүрүзүнге «изиг шугумнуң» дугаарларын үлээн.
Хемчегни организастаарынга школада эр башкыларның чөвүлели, социал педагогтар база организатор башкылар дузалашкан.
