Бай-Тайга кожууннуң Тээли сумузунуң уругларның спорт школазынга тускай шериг операциязының киржикчилериниң шаңналы дээш элээди оолдар аразынга тыва хүреш маргылдаазы болуп эрткенин өөредилге чери дыңнаткан.
Маргылдааны төрээн чуртунда шөлээ үезинде дыштанып келген спорт мастеринге кандидат, мөге Амир Кара-Сал баштаан делегация эрттирген.
Бай-Талдың Н.С. Конгар аттыг школазының өөреникчилери чараш аргаларын көргүзүп, чедиишкинниг хүрешкен.
2019-2020 чылдарда төрүттүнген оолдар аразынга бирги черни Мартаажык Даржаа, 2015-2016 чылдарда төрүттүнген оолдар аразынга бирги черни Танаа-Херел Содунам, дөрткү черни Эдиски Ооржак, 2013-2014 чылдарда төрүттүнген оолдар аразынга бирги черни Сыдым Араптан, ийиги черни Найдан Очур-оол, үшкү черни Ачылыг Салчак чаалап алганнар.
«Хана-хана» маргылдааның тиилекчизи – Бай-Тал командазы.
