Чөөн-Хемчик кожууннуң төвү Чадаана хоорайда «Амгы үениң школазы» федералдыг төлевилел-биле 616 олуттуг чаа школаны тудуп турар.
Тудуг участогнуң начальниги Артем Мартов амгы үеде чаа школаның таваан кударынга белеткел ажылдары чоруп турарын дыңнаткан. Ол талазы-биле ажылдар 70 хуу чедир кылдынган.
– Чыл төнчүзүнге чедир бирги болгаш ийиги каъттарның баганаларын тургузуп, кырын шыптар боор бис. Оон оран-саваның таваан сугдан камгалаар, чылыглаар, довураан таптай базар ажылдарны кылыр. Тудуг объектизинде 50 кижи ажылдап турар. Они хире техника аймаа бар. Ажылчыннарның 98 хуузу – тус черниң чурттакчылары. Ажыл шагы эртенгиниң сес шактан кежээкиниң алды шакка чедер. Объект чогуур тудуг материалдары-биле бүрүн хандыртынган» – деп, Артем Мартов тайылбырлаан.
Он үш муң дөрбелчин метр ниити шөлдүг Чадаананың 616 олуттуг, үш каът чаа школазынче амгы үениң өөредилге, спортчу дериг-херекселдери-биле дериттинген класстар, спортчу шөл, бодунуң стадиону, улуг зал, чемненир чер, ийи тренажер залы дээш, чугула шөлчүгештер кирген. Чаа школаны камгалал-хайгаарал дериг-херекселдери-биле дериир.
Пучок электронов совершил первые обороты в бустерном синхротроне Центра коллективного пользования «СКИФ»
В Центре коллективного пользования «Сибирский кольцевой источник фотонов» запущен бустерный синхротрон и начались эксперименты с электронным пучком.
