Сүт-Хөл кожууннуң Алдан-Маадыр суурга Тываның чаш Начын мөгези Киш-Чалаа Ондарның найыры бедик деңнелге болуп эрткенин чагырга чери дыңнаткан.
Хүреш маргылдаазы назы-хар аайы-биле беш аңгы чардынган бөлуктерге болуп эрткен.
2010-2011 чылдың мөгелериниң аразынга шүүлген мөге – Тываның чаш Эзир мөгези Соруктуг Монгуш (Чөөн-Хемчиктиң Хорум-Даг).
2012-2013 чылдың мөгелериниң аразынга бирги черни Тываның чаш Чаан мөгези Арбай Сат (Сүт-Хөлдүң Хөр-Тайга) чаалап алган.
2014-2015 чылдың мөгелериниң аразынга шүүлген мөге – Тываның чаш Арзылаң мөгези Ромеш Куулар (Чөөн-Хемчиктиң Чадан).
2016-2017 чылдың мөгелериниң аразынга бирги черни Тываның чаш Начын мөгези Чаян Дагба чаалап алган.
2018-2019 чылдарның мөгелериниң аразынга шүүлген мөге – Тываның чаш Эзир мөгези Отчугаш Донгак (Өвүр кожуун).
