Чаа-Хөл кожууннуң Ак-Дуруг суурга Тываның чаш Начын мөгези Сайын-Белек Зотовтуң найыры бедик деңнелге болуп эрткенин чагырга чери дыңнаткан.
ТР-ниң спорттуң национал хевирлерин сайзырадыр төптүң кол тренери Кайгал-оол Доңгак, тренер башкы Дугар Ондар бичии мөгениң найырының аалчылары болган.
Назы-хар аайы-биле беш аңгы чардынган бөлүкке хүреш маргылдаазын эрттирген.
2018-2019 чылдың мөгелериниң аразынга бирги черни Эрзинден чаш Начын мөге Каң-Болат Кундан, 2016-2017 чылдың мөгелериниң аразынга бирги черни Кызылдан чаш Начын мөге Чаян Дагба, 2014-2015 чылдың мөгелериниң аразынга бирги черни Чаа-Хөлден Ромеш Куулар, 2012-2013 чылдың мөгелериниң аразынга бирги черни Арбай Сат, 2010-2011 чылдың мөгелериниң аразынга бирги черни Чөөн-Хемчиктен Соруктуг Монгуш олар чаалап алганын чагырга чери медеглээн.
Ак-дуругжулар Сайын-Белекти деткип, мотоциклди белекке берген. Тренер башкыларга портреттерин сөңнээн.
