Чөөн-Хемчик кожууннуң Чадаана хоорайының «Хээлер» уруглар садынга «Чаңгыс дыл – чаңгыс кижизидикчи башкы» деп принциптиң "Чаңгыс дыл – чаңгыс кижизидикчи башкы: теориядан хүн бүрүде практикаже. Уруглар садының командазынга практиктиг шиитпирлер" деп семинар болуп эрткенин Национал школа хөгжүдер институт дыңнаткан.
Он сес башкы бо принцип талазы-биле билиин бедиткен. «Амгы үеде тыва дылывысты өске дылдар-биле холувайн, чиңгине тыва сөстерни ажыглап тургаш харылзажыр үе келген-дир, бо принципти деткип тур бис, ада-иелер болгаш уруглар-биле арыг тыва дылга харылзажыры биске чоргаарал-дыр» –деп, уруглар садының удуртукчузу Ульяна Шыырап демдеглээн.
