Чылдың-на март 24-те Бүгү делегейниң туберкулезка удур демисел хүнүн демдеглеп турар.
Республиканың туберкулезка удур диспансериниң хөрек тырттырар дерилгелиг флюорография автомашиназы Кызыл хоорайның оң база солагай талакы эриктиң дачаларынга, Вавилин ээтпээнге чедип, чурттакчы чонну шинчилээнин диспансер дыңнаткан.
Бөгүн Арбат шөлүнге шинчилгени эртип ап болур. Ажылдаар шагы 10 шактан 15 шакка чедир. Бодунга паспорттуг болур.
Диспансерниң медицина ажылдакчылары чурттакчы чонга туберкулез дугайында тайылбырлап, чылдың-на ыяап-ла хөрек шинчилгезин эртериниң чугулазын дыңнаткан. Олар халдавырлыг аарыгга удур шалыпчы айның чорудуу-биле аңгы-аңгы хемчеглерни эрттирип турар.
Үе-шаанда ФГ-шинчилгезин эртип алыры, туберкулезту эге чадазында тодарадып, когун үзе эмнээринге дээштиг.
