Тывага улусчу дружиналар штавын хоорай, кожуун төвүнүң бүрүзүнге тургузары көрдүнүп турар. Оларны таварыштыр чурттакчылыг черлерге эки турачы улусчу дружиналарның ажылын аайлап-баштаар, эрге-хоойлу камгалаар органнар-биле кады ажылдажылганы хандырар, эки ажылдыг дружиналарның дуржулгазын нептередир, улусчу дружиналарның киржикчилерин шаңнап-мактаарының дугайында айтырыглар шиитпирлеттинер.
Кызыл хоорайда эки турачы улусчу дружиналар шагда-ла ажылдап, шагдаа ажылдыкчыларынга көскү дузаны чедирип турарлар. Амгы үеде Кызылда ийи каттыжыышкын: беш кижилиг “Беркут” биле 37 дружинниктиг “Енисей” ажылдап турар. Найысылалдың мэриязы дружинниктерге кылган ажылы дээш шалың акшаны тургускан, оларның кедер форма идик-хевин төлеп берип турар.
Хүннүң-не 10 кижилиг улусчу дружина кежээкиниң 17.00 шактан 21.30 шакка чедир шагдаа ажылдакчылары-биле катай ниитиниң корум-чурумунуң камгалалынче үнүп турар. Баштайгы дээрезинде Кызылдың иштики херектер эргелелинге аныяк кижилерни күүседир ужурлуг ажылдарга хуваап, оларга инструктажты чорудар.
Улусчу дружиналарже алызында барып полицияга ажылдаарын күзеп чоруур өөредилге черлериниң сургуулдары бактаап кирип турарлар. Мындыг арга-дуржулга оларга алызында барып ажыл-хожулга тургустунуп алырынга дузалаар. Назы-хары чеже-даа аныяк болза, олар ниитиниң корум-чурумун камгалаар хүлээлгелерни күүседип, корум-чурум үрээшкиннерин илередир херекке дузалажып турарлар.
Шак ынчалдыр, 2023 чылдың 5 айларының дургузунда Кызылдың кудумчуларынга 1338 дружинник дежурныйлаашкынче үнген, дөрт кем-херек үүлгедиишкинин илередиринге дузалашкан, хөй-ниитиниң черинге арага-дары ижип, чогуш-содаа үндүрүп турган кижилерни, комендант шагының үезинде кудумчуларга тояп чораан назы четпээннерге хамаарыштыр ажылды чоруткан.
«Центр» деп мунициалдыг албан чериниң (хоорайның эзириктер сергедир чериниң) медээзи-биле алырга, эрткен неделяда 509 эзирик кижини хөй-ниити черинден эккелген, оларның дилээшкининге дружинниктер идепкейлиг киришкен.
Бир эвес силер 18 хардан өрү назылыг база кеземче ялазынга онаашпайн чораан болзуңарза, харыысалгаңар бедик, Кызылдың айыыл чок чоруу дээш ажаанзырап чоруур болзуңарза, силерни улусчу дружиналарның одуруунда манап турар.
Алена Удод: «Я всегда с большим вниманием слушаю Послание Главы Тувы»
Президент федерации художественной гимнастики РТ, член регионального отделения Народного фронта Алена Удод отметила важные аспекты Послания Главы Республики Тыва [id360104045|Владиславa Ховалыгa].
